O n'a qu emiant la grande thieuzine
Les bias auberjhes do paris
La bas o sent la margarine
Mais au paye cher o vou suffit
Moue y aime ben meu la boune mangeaille
La boune mangeaille d'o chez nou
La routille o be la goraille
La mojhette e la soupe aux choux
Point besoin d'trente six piats peur beun dejheuna
Quand o la d'la sauce aux lumas

Refrain
Quand tu m'fais d'la sauce aux lumas
l'entend cheu la qui m'jargotte
y-t'bis're su' les deu jottes
Yse beun aise dans ma pia
Beun tranquille moue y trempe dans l'piat
Deja fini fau qu'tu m en r'doune
Si t'savais coume te meugnoune
Quand ty m'fais d'la sauce aux lumas

D'pis longtemps iete malade
O la fallu beun fair v'gni l'med'cin
Cheu gars la me defendi la salade
La soupe grasse pi les boudins
Si ya va pris tout' ces saloperies
O la longtemps qu o s'ra partit
Ma peur guerir ma maladie
In jou' savez vou c'qu'o f'sit
O p'tit dejheuna y mangit quat' vingt lumas
E cinq a six verres do noah

Refrain

V'savez beun qu'dans les menages
O vat terjous beun piagement
E meme quand les hommes sont beun sage
Les fumelles gueulant tou' l'temps
La mene quand a m'voue faire la goule
Vite a m'appelle son p'tit canet
E y sent sa main la qui s'coule
Beun tot chap'tit dans mon gagoulet
Sur'ment oh la la que moue o m'fachre point
Tant qu'tu f'ra d'la sauce aux lumas

Refrain